A tot Z van Kindersiektes

Seliaksiekte

Dit is ŉ sensitiwiteit vir gluten, dit ontstaan wanneer die dunderm wand allergies is vir gluten wat in die dunderm kom. Gluten is die proteïen wat in graankosse voorkom. Dit kom gewoonlik voor sodra jou kind begin graan kosse eet dit veroorsaak dat jou kind ongelukkig en lastig is. dit kan jou kind se groei belemmer, dit begin met ŉ geswolle buik dun ledemate, sakkerige plat boude. Stoelgange is dik en bleek wat sleg ruik en wat moeilik is om af te spoel omdat dit te vetterig is.

Wat om te doen:

Moenie jou kind op ŉ glutenvrye dieet sit voordat jou dokter dit gediagnoseer het nie. Nadat dit gediagnoseer is sal jou kind vir die res van sy lewe ŉ glutenvrye dieet moet volg. ŉ Dieetkundige is die aangewese persoon om te sien in verband met die dieet en sodra die dieet aangepas is sal jou kind se toestand drasties verander sal binne ŉ paar dae beter lyk en sy stoelgang sal normaal wees.

Sproei

Is ŉ algemene infeksie by babas kan veroorsaak word deur die swam Candida Albicans wat normaalweg op die vel in die mond of selfs in die vagina voorkom. Wanneer die natuurlik balans van organismes in en op die lyf versteur word, kan sproei ontstaan, wat ŉ intense ontsteking en irritasie veroorsaak. Sproei is selde skadelik en reageer vinnig op behandeling , maar dit kan erg ongemaklik wees. Dit kan ook voorkom as ŉ baie rooi luier uitslag wat nie op normale skerm rome reageer nie. As die baba dit in die mond kry sal daar wit kolle aan die binnekant van die mond wees. Ouer kinders en volwassenes kan dikwels sproei in die vagina en selfs seuntjies kan die onder die voorvelletjies van die penis kry. Dit gaan gepaard met ŉ intense gejeuk, pyn en ontsteking.

Wat om te doen:

Kyk eerste in die mondjie vir die wit kolle en raadpleeg jou dokter. As jy nog borsvoed, sal jy sowel as jou baba moet behandeling kry, gewoonlik in die vorm van ŉ salf. Vir sproei op die boudjies is daar ŉ spesiale swamdodende skerm room, vra jou apteker!? Daar is spesiale rome vir die vagina sproei beskikbaar ( Mycostatin ). Indien dit nie binne 2 dae opgeklaar is nie, is daar moontlik ŉ sekondêre bakteriese infeksie. Gaan dan terug dokter toe!

Probiotika: is ŉ goeie bakterieë wat sterk immuun- en spysverteringstelsel bevorder. Die probiotiese stam Reuteri ( Lacto- bacillus reuterie) help om orale sproei en luieruitslag te behandel deur die produksie van die natuurlike antibiotikum reuterin, wat effektief is in die uitroei van candida. Vir die sproei in die mond maak ŉ enkele Reuteri suurlemoengeur koubare tablet fyn, en laat dit in die mond oplos. Vir luier uitslag kan kinders die probiotika deur ŉ Reuteri strooitjie drink saam met enige koel vloeistof of ŉ hele strooitjie kan in ŉ bottel gesit word vir ŉ jonger baba. gebruik een dosis ŉ dag vir ŉ week lank na die simptome verdwyn het.

Reuteri: is ook doeltreffend vir die herstel van ŉ gesonde, gebalanseerde spysverteringsflora, aansteeklike diarree, (gebruik saam rehidrasie oplossing in vloeistowwe) verminder die gebruik van antibiotika deur die immuunstelsel te versterk, verlig simptome geassosieer met laktose intoleransie en volwasse gis infeksies. ( Krampe, winde en diarree).